網紅的藏寶箱頭先我食緊晚飯，有啲好細隻嘅初生小強係度食我枱面啲嘢食，我嘗試用寵物傳心同佢地談判：你地啱啱出世我唔會殺你地，亦唔介意分嘢食畀你地，但係唔該你地以後唔好去啲污糟地方再返嚟食我啲嘢食，因為你地唔乾淨就會有菌，我食咗就有機會病死，我病死咗對你地都冇好處因為你地唔會再有嘢食，如果我冇病死到，我一定返嚟搵你地報仇，畀你地體驗吓地獄嘅滋味，應該話，我會是你們最慘烈嘅地獄。所以唔該以後唔好去啲污糟地方keep住自己clean & clear，DEAL?
啲小小強好乖咁一路停低喺我面前聽完我講，佢地就散會慢慢行返入張自動麻雀枱入面，希望佢地畀我動之以情說之以理咁說服到佢地保持整潔，咁大家咪和平共處囉，雖然我冇學過寵物傳心，但話晒小強生存咗咁多億萬年我有理由相信佢地進化到識聽人話。
Search